آٹو، ٹیکسی اور کیب ڈرائیور اسوسی ایشن کی 18 اپریل سے ہڑتال  

نئی دہلی ۔ سی این جی کی قیمت میں 2.5 روپے کے حالیہ اضافے کے تناظر میں آٹو، ٹیکسی اور کیب ڈرائیور اسوسی ایشن کے اراکین نے جمعرات کو انتظامیہ کو خبردار کیا کہ وہ گیس کی قیمت پر سبسڈی کے مطالبے کو دبانے کی کوشش کریں گے اور  18 اپریل سے ہڑتال کریں گے۔آٹو، ٹیکسی اور کیب ڈرائیوروں نے سی این جی کی قیمت پر سبسڈی کا مطالبہ کرتے ہوئے دہلی سکریٹریٹ کے باہر11 اپریل کو احتجاج کیا۔ یہ مظاہرہ دہلی آٹو رکشا اسوسی ایشن کے بینر تلے کیا گیا۔دہلی آٹو اسوسی ایشن کے جنرل سکریٹری راجندر سونی نے کہا کہ مرکز اور دہلی حکومت کی پالیسیوں کے خلاف ان کا احتجاج جاری رہے گا اور وہ 18 اپریل سے ہڑتال پر جائیں گے۔
ایندھن کی قیمتوں میں اضافے کی وجہ سے اپنے کاروبار پر پڑنے والے اثرات کی وضاحت کرتے ہوئے سونی نے کہا سی این جی کی قیمت ہر روز بڑھ رہی ہے اور ہم مطالبہ کر رہے ہیں کہ حکومت ہمیں 35 روپے فی کلو کی سبسڈی دے۔سونی نے الزام لگایا کہ پچھلے سات سالوں میں دہلی حکومت نے کبھی آٹو رکشا اسوسی ایشن کے ارکان سے ملاقات نہیں  کی ہے  ۔
“ہم نے دہلی کے وزیر اعلی اروند کیجریوال کو لکھا لیکن ان کے دفتر سے کوئی جواب نہیں ملا۔ ایسے میں ہم ان مسائل سے کس سے ملیں؟ نہ وزیر اعلیٰ اور نہ ہی حکومت کا کوئی رہنما ہم سے بات کرنے کو تیار ہے۔روی راٹھوڈ، صدر، سروودیا ڈرائیورز ویلفیئر اسوسی ایشن نے کہا سی این جی کی قیمتوں میں مسلسل اضافہ ہماری جیبوں میں بوجھ ڈال  رہا ہے۔ ہم نے 8 اور 11 اپریل کو احتجاج کیا لیکن حکومت خاموش بیٹھی ہے اور ہمیں ابھی تک مذاکرات کی دعوت نہیں دی۔ ہم 18 اپریل کو اپنے مطالبات کےلئے چکہ جام کریں گے۔