کولکتہ: احمد آباد اگلے سال کے شروع میں انگلینڈ کے دورے کے دوران ڈے نائٹ گلابی گیند ٹسٹ کی میزبانی کرے گا ، یہ بات بی سی سی آئی کے صدر سوروگنگولی نے یہاں کہی۔ انگلینڈ جنوری سے مارچ تک پانچ ٹسٹ اور محدود اوورزکی سیریز کے لئے ہندوستان کا دورہ کرے گا۔گنگولی نے سی پی آئی (ایم) کے ایم ایل اے اشوک بھٹاچاریہ کی ایک کتاب کی رونمائی کے دوران کولکتہ پریس کلب میں کہا احمد آباد ڈے نائٹ ٹسٹ کروائے گا۔
ماضی قریب میں ہندوستان میں کوویڈ 19 معاملے میں اضافے کی وجہ سے یہ قیاس آرائیاں کی جارہی تھیں کہ اس سیریز کو متحدہ عرب امارات میں منتقل کیا جاسکتا ہے ، جہاں فی الحال آئی پی ایل 2020 چل رہا ہے،لیکن بی سی سی آئی انگلینڈ کی ہندوستان میں ہی میزبانی کا عزم رکھتا ہے اور پہلے ہی بائیو سیفٹی کو بنانے سمیت تمام ممکنہ متبادل کی تلاش میں ہے۔
احمد آباد ، دھرمسالہ اور کولکتہ ٹسٹ سیریز کے تین مقامات ہونے کا امکان ہے لیکن گنگولی نے کہا کہ ابھی ان کا کوئی حتمی فیصلہ نہیں ہوا ہے۔گنگولی نے کہا ہم نے کچھ عارضی منصوبے بنائے ہیں لیکن ابھی تک کچھ نہیں طے کیا گیا ہے۔ ہمارے پاس ابھی چار ماہ کا وقت باقی ہے۔
بی سی سی آئی کے صدر نے کہا کہ ان کی ترجیح آسٹریلیا کا آئندہ مجوزہ دورہ ہے جس کے لئے ٹیم کا انتخاب کچھ دن میں ہوگا۔انگلینڈ سے پہلے ہمارے پاس آسٹریلیا کی سیریز موجود ہے۔ کچھ ہی دنوں میں ٹیم کا انتخاب ہو گا۔گنگولی نے کہا کہ آئی پی ایل کے فورا بعد ہی ٹسٹ فارمیٹ میں تبدیل ہونا کھلاڑیوں کے لئے کوئی مسئلہ نہیں ہوگا۔وہ تمام معیاری کھلاڑی ہیں۔
جہاں تک گھریلو سیزن کی بات ہے بی سی سی آئی نے یکم جنوری سے رانجی ٹرافی شروع کرنے کا فیصلہ کیا ہے اور گنگولی نے کہا کہ آنے والی سالانہ جنرل میٹنگ (اے جی ایم) میں اس کی تفصیلات پر عمل کیا جائے گا۔اے جی ایم جلد ہی ہوگا اور ہم وہاں رانجی ٹرافی کے بارے میں فیصلہ کریں گے۔
