باسیٹرے (سینٹ کٹس اینڈ نیوس)۔ انٹرنیشنل کرکٹ کونسل (آئی سی سی) نے کہا کہ آئی سی سی مینز انڈر 19 کرکٹ ورلڈ کپ سے قبل افغانستان کے وارم اپ میچز ویزے کے حصول میں تاخیر کی وجہ سے منسوخ کر دیے گئے ہیں۔ نیز یہ بھی کہا گیا ہے کہ انگلینڈ اور متحدہ عرب امارات کے وارم اپ میچوں کو ری شیڈول کر دیا گیا ہے۔ آئی سی سی کی جانب سے جاری کردہ ایک بیان میں کہا گیا ہے کہ ویزوں کے حصول میں تاخیر کی وجہ سے افغانستان کا اسکواڈ ابھی ویسٹ انڈیز پہنچنا باقی ہے، جب کہ اس مسئلے کو حل کرنے کی کوششیں جاری ہیں۔
اس نے انگلینڈ اور متحدہ عرب امارات کے وارم اپ میچوں کے بارے میں بھی نئی تفصیلات دی ہیں، جن کا افغانستان کا سامنا کرنا تھا۔ 10 جنوری کو وارنر پارک میں انگلینڈ کے خلاف سینٹ کٹس اینڈ نیوس میں وارم اپ میچز اور 12 جنوری کو یو اے ای کے خلاف سینٹ پالز میں ہونے والا میچ دونوں منسوخ کر دیے گئے ہیں۔ انگلینڈ اب 11 جنوری کو کوناری کرکٹ سینٹر میں یو اے ای سے کھیلے گا۔ حکام نے کہا ہے ہم افغانستان کرکٹ بورڈ اور متعلقہ اسٹیک ہولڈرز کے ساتھ مل کر اس مسئلے کا حل تلاش کرنے اور ٹیم کو سفر کرنے کی اجازت دینے کے لیے کام کر رہے ہیں۔ 14 جنوری کو ٹورنمنٹ کے آغاز سے پہلے اپنی تیاری جاری رکھے ہوئے ہیں ۔
آئی سی سی ہیڈ آف ایونٹس کرس ٹیٹلی نے کہا ویسٹ انڈیز میں شروع ہونے والا آئی سی سی مینز انڈر 19 کرکٹ ورلڈ کپ ساتویں بار ہوگا جب افغانستان ایونٹ میں شرکت کرے گا۔ مردوں کے انڈر 19 ورلڈ کپ میں ان کا اب تک کا بہترین اختتام نیوزی لینڈ میں 2018 کے ایڈیشن میں ہوا، جہاں وہ سیمی فائنل میں پہنچے لیکن آسٹریلیا سے ہار گئے۔ 14 جنوری کو شروع ہونے والے ٹورنمنٹ کے اس ایڈیشن میں افغانستان کو گروپ سی میں پاکستان، زمبابوے اور پاپوا نیو گنی کے ساتھ رکھا گیا ہے۔ 16 ٹیمیں 22 دنوں تک 48 میچوں میں حصہ لیں گی، فائنل 5 فروری کو کھیلا جائے گا۔ بنگلہ دیش دفاعی چمپئن کے طور پر ایونٹ میں داخل ہوا جبکہ نیوزی لینڈ نے لازمی قرنطینہ قوانین کی وجہ سے ٹورنمنٹ سے واپسی کا اعلان کیا ہے ۔ ان کے دستبردار ہونے کا مطلب ہے کہ اسکاٹ لینڈ اب ایونٹ میں حصہ لے رہا ہے اور اسے میزبان ویسٹ انڈیز، آسٹریلیا اور سری لنکا کے ساتھ گروپ ڈی میں رکھا گیا ہے۔
