دبئی: متحدہ عرب امارات کے وزیر خارجہ اور بین الاقوامی تعاون کے وزیر شیخ عبداللہ بن زاید النہیان نے ابو ظہبی میں ہندو برادری کے پہلے مندر کی تعمیر کرنے والی ہندو تنظیم کے نمائندوں سے ملاقات کی ہے اور مندرکی تعمیر کی پیشرفت کا جائزہ لیا ہے۔ اس مندر کا سنگ بنیاد پچھلے سال اپریل ابو ظہبی میں رکھا گیا تھا اور اس کا کام دسمبر سے شروع کیا گیا تھا۔ حال ہی میں العین میں منعقدہ ایک اجلاس کے دوران ، شیخ عبداللہ نے بی اے پی ایس سوامنارائن سنستھا کے برہموہیری سوامی سے تبادلہ خیال کیا اور مندر کی تعمیر سے متعلق امورکا جائزہ لیا ۔ ابوظہبی سے جاری کردہ بیان میں یہ تفصیلات فراہم کی گئی ہیں ۔
اس اجلاس میں متحدہ عرب امارات میں ہندوستانی سفیر پیون کپور بھی موجود تھے اور بیان میں کہا گیا کہ کوویڈ وبائی مرض کے ان مشکل وقتوں میں عالمی ہم آہنگی کے اس منصوبے سے ہندوستان اور متحدہ عرب امارات کی انوکھی دوستی اور ترقی اور امن کے لئے ان کی لگن سے اعتماد اور امید کی بحالی ہوگی۔
براہماویہاری سوامی نے کہا کہ کس طرح پروجیکٹ ٹیم اور پوری ہندو برادری متحدہ عرب امارات میں طویل مدتی شراکت کے لئے وقف تھی۔ یہ نہ صرف قدیم فن اور فن تعمیر کو محفوظ رکھنے کا بلکہ ایک نیا فن اور ایک نئی میراث تخلیق کرنے کا انوکھا موقع ہے جو ہزاروں سالوں تک جاری رہے گا۔ یاد رہے کہ اس مندر کا ایک شاندار سنہری یادگاری شیخ عبد اللہ کو تحفہ دیا گیا تھا۔بیان میں کہا گیا کہ ایک گھنٹے تک جاری رہنے والے اجلاس میں ابوظہبی کے ولی عہد شہزادہ شیخ محمد بن زاید النہیان کے مزید جامع ، زیادہ پرامن اور ہم آہنگ مستقبل کے عزم اور وابستگی کے بارے میں تبادلہ خیال کیا گیا۔متحدہ عرب امارات میں ہندوستانی برادری کل آبادی کا 30 فیصد ہے اور یہ خلیجی ملک میں سب سے بڑی تارکین وطن ہے۔
