بغداد: فرانسیسی صدر ایمانوئل میکرون نے اپنے پہلے بغداد کے دورے پر عراقی رہنماؤں سے ملاقات کی جہاں انہوں نے اس بات پر زور دیا کہ جنگ سے دوچار ملک عراق کو ایران اور امریکہ کشیدگی میں پھنس جانے کے باوجود اپنی خودمختاری پر زور دینا چاہئے۔
بحران سے متاثر لبنان کے دو روزہ سفر سے سیدھے عراق پہنچنے کے بعد فرانس کے صدر میکرون مئی میں وزیر اعظم مصطفی الکدھیمی کے اقتدار میں آنے کے بعد عراق کا دورہ کرنے والے سب سے نمایاں رہنما ہیں۔ فرانس کے صدر کے دورہ عراق کا مقصد ملک کی خودمختاری کے عمل کی حمایت کے لئے اقوام متحدہ کے شانہ بشانہ ایک پہل شروع کرنا ہے ۔
انہوں نے اپنے عراقی ہم منصب بیرہم صالح کی حمایت میں آواز اٹھائی کہ اور کہا کہ وہ داعش گروپ کے سلیپر سیلوں سے لڑنے اور غیر ملکی مداخلت کے خلاف مزاحمت میں مدد کریں گے۔میکرون نے کہا عراق کئی سال سے جنگ اور دہشت گردی کے ساتھ ساتھ متعدد غیر ملکی مداخلتوں کی وجہ سے ایک مشکل وقت سے گزر رہا ہے۔ آپ کی قیادت ملک میں ایک تبدیلی ہے۔اس موقع پر فرانس آپ کے شانہ بشانہ ہوگا تاکہ عالمی برادری مدد کر سکے۔
عراقی عہدیداروں نے کہا کہ وہ نئی مالی یا فوجی امداد کی توقع نہیں کر رہے ہیں۔صدر صالح نے کہا کہ وہ 2021 میں میکرون کے طویل دورے کے منتظر ہیں اور انہیں امید ہے کہ فرانس اور یوروپ مجموعی طور پر خطے میں استحکام کی بحالی میں مدد کرسکتے ہیں۔
عراقی وزیر اعظم نے کہا کہ ہم محاذ آرائیوں کا میدان نہیں بلکہ استحکام اور اعتدال پسندی کا ایک زون بننا چاہتے ہیں۔ انہوں نے مزید کہا کہ فرانس اور عراق مستقبل میں توانائی کے معاہدوں پر دستخط کریں گے اور فوجی تعاون کو مزید گہرا کریں گے۔میکرون نے کہا کہ عراقی جنھیں بہت زیادہ نقصان اٹھانا پڑا ہے، علاقائی طاقتوں یا انتہا پسندوں کے تسلط کے علاوہ بھی اختیارات کے مستحق ہیں۔
میکرون نے کہا کہ داعش کے خلاف جنگ ختم نہیں ہوئی ہے ، یہاں تک کہ اگرانہیں کچھ علاقوں میں پسپائی ہوئی ہے ۔داعش کے خلاف جنگ ، جو فرانس نے بین الاقوامی اتحاد کے حصے کے طور پر پوری طرح سے سرمایہ کاری کی ہے ، جاری رہے گا۔دوسرا چیلنج متعدد نکات سے غیر ملکی مداخلت ہے ، جو عراق میں سے کچھ سال سے جاری ہے اور کچھ حالیہ دنوں میں سامنے آئی ہے۔ فرانس اقتصادی ، فوجی ، تعلیمی اور ثقافتی شعبوں میں عراق کو مستحکم کرنےکے منصوبے کی مکمل حمایت کرتا ہے اور اسے عراقی خودمختاری کا منصوبہ قرار دیتے ہیں۔
میکرون نے عراق پہنچنے کے بعد ٹویٹ کیا کہ میں بغداد آیا ہوں ، جس کا مجھے پہلی بار دورہ کرنے پر خوشی ہے ، چیلنجوں کے وقت عراق کے لئے اپنی حمایت کا مظاہرہ کرنا۔ انہوں نے کہا کہ داخلی اور خطے میں معاشی اور سلامتی کے لحاظ سے تمام جہتوں میں ایران اور امریکہ کشیدگی کے باوجود عراق کی خودمختاری کی ضمانت کے لئے متعدد چیلنجز ہیں۔
