میرپور (بنگلہ دیش)۔ بنگلہ دیش نے پہلی بار فاسٹ بولر عبادت حسین، نسیم احمد، یاسر علی اور محمود الحسن جوئے کو ونڈے انٹرنیشنل اسکواڈ میں شامل کیا ہے کیونکہ وہ افتتاحی میچ میں افغانستان کا مقابلہ کرنے کی تیاری کر رہے ہیں۔ سیریز کا پہلا میچ 23 فروری کو شیر بنگلہ نیشنل اسٹیڈیم میں کھیلا جائے گا۔بنگلہ دیش تین ونڈے کھیلے گا، جس کے بعد دو ٹی ٹوئنٹی کھیلے جائیں گے، اور پانچ میچوں کی سیریز کا اختتام 5 مارچ کو ہوگا۔
گزشتہ ماہ نیوزی لینڈ کے خلاف بنگلہ دیش کے پہلے ٹسٹ میں عبادت حسین شاندار کارکردگی کا مظاہرہ کرنے والے کھلاڑی تھے اور اس ٹسٹ میں مہمان ٹیم نے آٹھ وکٹوں کی کامیابی حاصل کی تھی ۔ حسین نے دوسری اننگز میں چھ وکٹیں لے کر جنوری میں بنگلہ دیش کو تاریخی ٹسٹ میں فتح دلائی۔ نیوزی لینڈ نے بعدازاں دوسرے ٹسٹ میں زبردست واپسی کرتے ہوئے دو میچوں کی سیریز برابر کردی۔جب کہ عبادت، یاسر اور محمودول اس سے پہلے بنگلہ دیش کے لیے ٹسٹ کھیل چکے ہیں، نسیم نے صرف ٹی 20 کھیلے ہیں۔
بنگلہ دیش کرکٹ بورڈ (بی سی بی) کے چیف سلیکٹر منہاج العابدین نے کہا کہ عبادت ایک ٹسٹ بولر ہیں لیکن حال ہی میں وہ سفید گیند سے متاثر کرچکے ہیں۔ اس نے اپنے کنٹرول پر سخت محنت کی ہے، یہی وجہ ہے کہ ہم نے ان پر غور کیا ہے۔ جوئے نے ٹسٹ میچ (نیوزی لینڈ کے خلاف) میں زبردست اننگز کھیلی تھی، اس لیے ہم ونڈے میں ان سے کچھ توقع کر رہے ہیں۔
ہمیں یقین ہے کہ وہ مڈل آرڈر میں فٹ ہو سکتا ہے۔ وہ قابل اعتماد ہے۔ اگر وہ اعتماد کے ساتھ کھیلتا ہے تو وہ زیادہ وقت تک کھیل سکتا ہے۔ نسیم نے ٹی20 اور ڈومیسٹک کرکٹ میں مستقل مزاجی کا مظاہرہ کیا ہے۔ شانتو ایک باقاعدہ ٹسٹ کھلاڑی ہے جو ہمیں اعتماد ہے کہ وہ اچھی کارکردگی کا مظاہرہ کرے گا۔
معلنہ ٹیم میں محمد نعیم، مصدق حسین، محمد متھن، نور الحسن، تیج الاسلام، محمد سیف الدین اور روبیل حسین شامل ہیں۔ یہ سبھی بنگلہ دیش کے 17 رکنی اسکواڈ کا حصہ تھے جس نے جولائی 2021 میں زمبابوے کے خلاف ونڈے سیریز کھیلی تھی۔
عابدین نے مزید کہا کہ سلیکٹرز نے نعیم کو ان کی ناقص حالیہ فارم کی وجہ سے سیریز کے لیے آرام دینے کا فیصلہ کیا اور انہیں امید ہے کہ وہ بہتر واپسی کریں گے۔ تین میچوں کی سیریز آئی سی سی مینز کرکٹ ورلڈ کپ سوپر لیگ کا حصہ ہے اور یہ 23 سے 28 فروری تک چٹاگرام میں کھیلی جائے گی۔ بنگلہ دیش اس وقت فہرست پر دوسرے جبکہ افغانستان چھٹے نمبر پر ہے۔
اسکواڈ: تمیم اقبال (کپتان )، لٹن داس، نجم الحسن شانتو، مشفق الرحیم، شکیب الحسن، محمود اللہ، عفیف حسین، مہدی حسن میراز، مستفیض الرحمان، تسکین احمد، شوریف اسلام، عبادت حسین، نسیم احمد، یاسر علی چوہان اور محمود الحسن جوئی۔
