حیدرآباد ۔ خلیجی ممالک کی کمپنیاں اور آجر اپنے سابق ملازمین کو ڈیوٹی سے رجوع ہونے کی دعوت دیتے رہے ہیں کیونکہ مشرق وسطی کی کمپنیوں کو کورونا کی وجہ سے لاک ڈاؤن کے دورانیے میں مزدور بحران کا سامنا کرنا پڑا ہے۔ لاک ڈاؤن کی مدت کے دوران کمپنیوں نے مزدوروں کو ان کے آبائی مقامات پر واپس بھیج دیا تھا لیکن اب چونکہ خلیجی ممالک میں حالات بہتر ہوچکے ہیں لہذا آجر اپنے ملازمین سے کام پر واپس آنے کی اپیل کررہے ہیں کیونکہ ان ممالک میں لوگوں کے سفر پر پابندی کافی حد تک کم ہوگئی ہے،متحدہ عرب امارات ، کویت اور سعودی عرب کو چھوڑ کر بحرین ، دوحہ ، قطر ، عمان اور دیگر ممالک میں مزدوروں کی نقل مکانی میں اضافہ ہوا ہے۔
عمان نے ایک ہفتے سے ویزا جاری کرنا شروع کردیا ہے اور وطن واپس آنے والے ملازمین کو ویزا جاری کرنے پر اتفاق کیا ہے۔ جنوری سے نئے ویزے جاری کرنے کے لئے ایک بڑی کوشش جاری ہے کیونکہ 2022 میں قطر میں فٹ بال ورلڈ کپ ہونا ہے۔ فی الحال کارکنوں کی متحدہ عرب امارات میں نقل مکانی جاری ہے۔ ورک فورس کی اکثریت متحدہ عرب امارات میں تعمیراتی شعبے میں ملازم ہے لیکن ان ممالک میں کورونا وائرس کے پھیلنے سے قبل تعمیراتی شعبے کو ہنگاموں کا سامنا رہا ہے۔ اس شعبے میں مزدوروں کے روزگار کے امکانات وبائی امراض سے پوری طرح متاثر ہوئے ہیں۔ پابندیوں کوکم کرنے کے بعداس شعبے میں ملازمت کے بہت سارے مواقع کھل گئے ہیں ۔ کورونا وائرس کے پیش نظردفتروں میں صاف ستھرا اور آفس بوائیز کے تقررات کے لئے دفتروں میں انتخاب جاری ہے۔ متحدہ عرب امارات میں سرکاری دفاتر میں ملازمین کا انتخاب جاری ہے۔
بحرین میں ، ہوٹلوں اور ریستورانوں کو کھول دیا گیا ہے جس کےبعد جو ملازمین اپنی خدمات چھوڑنے پر مجبور ہوئےتھے اور لاک ڈاؤن میں اپنے گھر لوٹ گئے تھے انہیں اب دوبارہ ڈیوٹی شروع کرنے کی ہدایت دی جارہی ہے ۔ کچھ ممالک میں تو واپس آنے والے ملازمین پر کوئی قرنطینہ کی پابندیاں عائد نہیں ہیں جبکہ ابو ظہبی کا اصرار ہے کہ واپس آنے والے تارکین وطن مزدوروں کو 14 دن کے قرنطینہ میں رکھا جائے۔ بحرین میں قرنطینہ کا دورانیہ صرف ایک ہفتہ تک محدود ہے۔ قطر میں حکومت نے فیصلہ کیا ہے کہ آجر عملے کو قرانطینہ کی سہولت فراہم کریں۔ دبئی میں واقع ایک کمپنی میں پلمبر کی حیثیت سے کام کرنے والے نظام آباد ضلع کے مرتضیٰ کو دوبارہ ڈیوٹی سے رجوع ہونے کے لئے بلایا گیا ہے کیونکہ کمپنی نے دوبارہ کام شروع کردیا۔ آجر نے تمام 20 افراد جو اس کے ساتھی تھے سب کو کام پر واپس طلب کیا ہے۔
