نئی دہلی ۔ آسٹریلیائی کرکٹ ٹیم کے اوپنر ڈیوڈ وارنر نے سابق ہندوستانی کپتان اور رائل چیلنجرز بنگلور (آر سی بی) کے اسٹار بیٹر ویرات کوہلی کو کمزور پیچ کے درمیان بنیادی باتوں پر قائم رہنے کا مشورہ دیا ہے۔کوہلی جاری انڈین پریمیئر لیگ (آئی پی ایل) میں رنز بنانے کے لیے جدوجہدکررہے ہیں۔ کوہلی نے گجرات ٹائٹنز کے خلاف اپنے آخری مقابلے میں نصف سنچری بنائی تھی لیکن انہوں نے58 رنز بنانے کے لیے 53 گیندوں کا سامنا کیا ۔
وارنرجو دہلی کیپٹلز کے لیے کھیلتے ہیں، انہوں نے کہا کہ ہر کھلاڑی ایک مشکل وقت سے گزرتا ہے اورکوہلی کو مشورہ دیا کہ وہ چند اور بچے پیدا کریں، زندگی اورکرکٹ سے لطف اندوز ہوں۔کچھ اور بچے پیدا کریں اور پیارکا لطف اٹھائیں! فارم عارضی ہے اور معیار مستقل ہے لہذا آپ اسے ضائع نہیں کریں گے۔ یہ دنیا کے ہر ایک کھلاڑی کے ساتھ ہوتا ہے ۔ وارنر نے اسپورٹس یاری کے بانی سوشانت مہتا کے زیر اہتمام ایک ملاقات اور مبارکباد سیشن میں کہا۔اس سے کوئی فرق نہیں پڑتا ہے کہ آپ کتنے اچھے کھلاڑی ہیں، آپ کو ہمیشہ یہ جھریاں پڑتی رہتی ہیں۔ بعض اوقات آپ کے وام میں واپس آنے کا وقت بہت طویل ہوتا ہے۔ بنیادی باتوں پر قائم رہیں۔ آئی پی ایل 2022 میں آر سی بی کے سابق کپتان نے10 اننگز میں 186 رنز بنائے ہیں، جس میں دوگولڈن ڈکس بھی شامل ہیں۔
یادر رہے کہ ہندوستان کی بڑی اداکاراؤں میں سے ایک انوشکا شرما اور ان کے شوہر وراٹ کوہلی کو جنوری 2021 میں پہلی اولاد بیٹی ہوئی ہے ۔جب اس جوڑے نے اپنی بیٹی کی پیدائش کی اطلاع دی تھی تو سوشل میڈیا پر مبارکبادی کے پیغامات کا ایک طوفان شروع ہوگیا تھا۔ ہندوستانی کرکٹ ٹیم کےسابق کپتان کوہلی نے ٹوئٹر پر اپنے مداحوں کے ساتھ خبر شیئر کرتے ہوئے لکھا تھا ہم آپ کے ساتھ یہ خبر شیئر کرتے ہوئے پرجوش ہیں کہ اس دوپہر ہماری بیٹی پیدا ہوئی ہے۔اس پوسٹ کو شام تک تین لاکھ 40 ہزار لائکس مل چکے تھے۔کوہلی اور انوشکا کی شادی دسمبر 2017 میں اٹلی میں ہوئی تھی، جس کے بعد ممبئی میں شادی کی پرتکلف دعوت ہوئی۔ اس دعوت میں وزیر اعظم نریندر مودی سمیت ملک کی مشہور شخصیات نے شرکت کی تھی ۔
