سری لنکا میں ایمرجنسی نافذ ، امریکی سفارت  خانہ دو دن کے لئے بند

کولمبو ۔ سری لنکا میں ایمرجنسی  ( ہنگامی حالت ) کا اعلان کیا گیا جب صدر گوٹابایا راجا پاکسے فوج کے طیارے میں ملک چھوڑ کر مالدیپ فرار ہوگئے ہیں ۔ملک کی معیشت کو نہ سنبھالنے پر اپنے اور اپنے خاندان کے خلاف بڑھتے ہوئے عوامی غصے کے درمیان راجا پاکسے نے ملک چھوڑ دیا ہے۔وزیر اعظم کے دفتر نے میڈیا اداروں کو بتایا کہ ملک میں ہنگامی حالت نافذ کر دی گئی ہے اور مغربی صوبے میں کرفیو نافذ کر دیا گیا ہے۔وزیراعظم نے سکیورٹی فورسز کواحتجاجیوں کو گرفتار کرنے اور ان کی گاڑیاں ضبط کرنے کا بھی حکم دیا ہے۔
قبل ازیں پولیس نے مظاہرین پر آنسو گیس پھینکی جو کولمبو میں فلاور اسٹریٹ پر وزیر اعظم رانیل وکرما سنگھے کے دفتر کے قریب جمع تھے۔
دریں اثناء مظاہرین نے فلاور اسٹریٹ پر وزیر اعظم رانیل وکرما سنگھے کے دفتر کی طرف مارچ کیا تاکہ ان اطلاعات کے بعد استعفیٰ دیا جائے کہ صدر راجا پاکسے ملک چھوڑ کر مالدیپ چلے گئے ہیں۔پولیس نے مظاہرین کو منتشر کرنے کے لیے آنسو گیس کے گولے بھی داغے تاہم اس کے باوجود وہ رکاوٹیں توڑ کر وزیر اعظم کے دفتر میں داخل ہوئے۔
وزیر اعظم وکرما سنگھے پہلے ہی کہہ چکے ہیں کہ وہ مستعفی ہونے کے لیے تیار ہیں اور آل پارٹیز حکومت کے قیام کی راہ ہموار کر رہے ہیں۔نیوز پورٹل کولمبو گزٹ کے مطابق مظاہرین پارلیمنٹ کے اسپیکر کی رہائش گاہ کے گرد بھی جمع ہو گئے۔ صورتحال پر قابو پانے کے لیے فوج کو تعینات کر دیا گیا ہے۔
کولمبو میں امریکی سفارت خانے نے احتیاط کے طور پر اگلے دو روز کے لیے اپنی خدمات معطل کر دی ہیں۔ کولمبو میں امریکی سفارت خانے نے چہارشنبہ  کو سری لنکا میں گہرے سیاسی اور اقتصادی بحران کے درمیان احتیاطی اقدام کے طور پر اپنی قونصلر خدمات کو اگلے دو دنوں کے لیے معطل کر دیا۔سفارت خانے نے ٹویٹ کیا کہ احتیاط کے طور پر، سفارت خانہ چہارشنبہ  کی سہ پہر کی ہماری خدمات (یو ایس سٹیزن سروسز اور این آئی وی پاس بیک) کے ساتھ ساتھ جمعرات کو تمام قونصلر خدمات کو منسوخ کر رہا ہے۔ زحمت کے لیے معذرت خواہ   ہیں  اور منسوخ کیے گئے تمام کاموں کو دوبارہ شیڈول کر دیں گے۔سری لنکا کے صدر ملک کی معیشت کو نہ سنبھالنے پر اپنے اور اپنے خاندان کے خلاف بڑھتے ہوئے عوامی ہنگاموں کے درمیان بدھ کے روز گوٹابایا راجا پاکسے ہوائی جہاز سے ملک چھوڑ کر مالدیپ چلے گئے۔ اس کے بعد حکومت نے ملک میں ہنگامی حالت کا اعلان کر دیا ہے۔