حیدرآباد ۔ فلم وارسوڈو یا واریسو، جسے مشترکہ طور پر مشہور پروڈیوسر دل راجو، شریش، پرم وی پوٹلوری اور پرل وی پوٹلوری نے پی وی پی بینر کے تحت پروڈیوس کیا ہے، آخری شیڈول کو چھوڑ کر تقریباً شوٹنگ مکمل کر لی ہے۔ سری وینکٹیشورا کریشنز کے بینر تلے بننے والی اس فلم کی ہدایت کاری ومسی پیڈیپلی نے کی ہے، جس میں دلپتی وجے مرکزی کردار ادا کر رہے ہیں۔ فلم کی تشہیر اگلے ماہ سے شروع ہوگی۔فلم بنانے والوں نے دیوالی کے موقع پر سنکرانتی 2023 کے لیے فلم کی ریلیز کا اعلان کیا ہے۔ سنکرانتی تلگو ریاستوں کے ساتھ ساتھ تمل ناڈو میں سب سے بڑا تہوار ہونے کے علاوہ فلموں کے لئے بڑا سیزن مانا جاتا ہے لہذا فلم بنانے والوں نے اس سیزن کا پورا فائدہ اٹھانے کا فیصلہ کرلیا ہے ۔ اعلان کے پوسٹر میں، وجے سیاہ لباس میں نظر آ رہے ہیں جو ایک بڑا ہتھوڑا پکڑے ہوئے ہیں۔ ایکشن بلاک کی نمائندگی کرنے والے اس پوسٹر نے سب کو متاثر کیا ہے۔
میگا اسٹار چرنجیوی کے میگا 154 کے بنانے والوں نے دیوالی سے پہلے میگا 154 کی ایک چھوٹی سی جھلک کے ساتھ ایک منظر کی پیشکش کی اور اس نے دیوالی کے حقیقی دھماکے کے لیے ہر کسی کو تجسس کے ساتھ حیران کر دیا کیونکہ میگا اسٹار کے مداحوں کا انتظار ختم ہو گیا، جب انہوں نے فلم کا ٹائٹل ٹیزر جاری کر دیا۔ انہوں نے یہ بھی اعلان کیا کہ چرنجیوی کی اگلی فلم جس کا نام والٹیر ویرایا ہے وہ سنکرانتی 2023 کے لیے ریلیز ہوگی۔ صرف یہی نہیں اکھل اکینینی کی بہت زیادہ متوقع فلم ایجنٹ بھی اس سنکرانتی کو ریلیز کرنے ہونے والی ہے۔اس طرح سنکرانتی کو وجے ، چرنجیوی اور اکھل کی فلمیں پردے پر آنے والی ہیں ۔ وجے کو ان کے بہترین انداز میں پیش کرتے ہوئے، اس فلم کے فرسٹ لک اور سیکنڈ لک پوسٹرز کو زبردست رد عمل ملا ہے ۔ نام اور پوسٹرز نے بڑی توقعات پیدا کی ہیں۔
ایک مکمل تفریحی فلم کے طور پر بنائی گئی، اس فلم میں نیشنل کرش رشمیکا منڈنا نے مرکزی کردار ادا کیا ہے۔ پربھو سرتھ کمار، پرکاش راج، جیاسودھا، سری کانت، شیام، یوگی بابو، سنگیتا، سمیوکتہ اس فلم کی دیگر اہم ستارے ہیں۔ بڑی پروڈکشن ویلیوز کے ساتھ شاہانہ اور بصری طور پر شاندار، یہ فلم اعلیٰ سطح کے تکنیکی ماہرین کے ذریعے بنائی جا رہی ہے۔ وامسی پیڈیپلی کے ساتھ، ہری اور اہشور سالمن نے اس فلم کی کہانی اور اسکرین پلے فراہم کیا ہے۔ سنسنی خیز میوزک ڈائریکٹر تھامن فلم کی موسیقی ترتیب دے رہے ہیں، کارتک پلانی سنیماٹوگرافر ہیں، کے ایل پروین ایڈیٹر ہیں، ہرشیت ریڈی اور ہنسیتا شریک پروڈیوسر ہیں، اور سنیل بابو اور ویشنوی ریڈی پروڈکشن ڈیزائنر ہیں۔اب دیکھنا ہے کہ سنگرانتی کو فلم شائقین کس فلم کو پرواز دیتے ہیں ۔
