ترواننت پورم ۔ سونے کی اسمگلنگ کے مقدمہ میں مرکزی ملزم سواپنا سریش کے تازہ انکشاف سے پریشان سابق اسپیکر اور سی پی آئی-ایم کے سرکردہ لیڈر پی سریرام کرشنن نے منگل کو کہا کہ وہ پارٹی عہدیداروں سے بات کریں گے اور اس کے علاوہ قانونی اقدامات بھی کریں گے تاکہ اس معاملے پرسیاسی طور پر بھی اس سے نمٹنا جاسکے ۔اپنے حالیہ انکشاف میں سواپنا سریش نے کہا کہ سابق ریاستی وزیر کڈکمپلی سریندرن، جو اس وقت ایک قانون ساز ہیں، اور سریرام کرشنن اسے فحش پیغامات بھیجتے تھے اور ان کے پاس آنے کو کہتے تھے جبکہ ریاست کے سابق وزیر خزانہ تھامس آئزک نے اسے بالواسطہ اشارے دیے تھے۔
میں نے کسی کو پیغامات نہیں بھیجے ہیں اور کیا یہ ممکن ہے کہ اسے اپنی سرکاری رہائش گاہ پر مدعو کروں جہاں میرا پورا خاندان اور بوڑھی والدہ رہتی ہیں اور عملے کے کئی ارکان کا ذکر کیون نہیں کروں جو یہاں موجود رہتے ہیں ۔ ماضی میں بھی مجھ پر اور سب کے خلاف بہت سارے بے بنیاد الزامات لگائے گئے تھے۔ جانتے ہیں کہ ان کے ساتھ کیا ہوا ہے۔ لہٰذا میں اپنی پارٹی اور سیاسی طور پر بھی بات کرنے کے بعد موجودہ الزامات سے قانونی طور پر نمٹوں گا۔ سری رام کرشنن نے اس معاملے کے متعلق اپنے خیالات کا اظہار کیا ہے ۔ 2020 میں دفتر میں رہتے ہوئے سری رام کرشنن سے مرکزی ایجنسیوں نے پوچھ گچھ کی تھی۔
سری رام کرشنن جو اگلے ماہ 55 سال کے ہوجائیں گے، پونانی کی نمائندگی کرنے والے دو بار قانون ساز کے رکن رہے لیکن 2021 کے اسمبلی انتخابات میں انہیں نامزدگی نہیں ملی۔ چیف منسٹر کے عہدہ پربرقرار رہنے کے بعدسری رام کرشنن کو ریاست کے زیر انتظام روٹس نورکا کا چیئرمین بنایا گیا، یہ ایک ادارہ ہے جو کیرالہ کے باشندوں کی فلاح و بہبود کی دیکھ بھال کرتا ہے۔
