نئی دہلی ۔ وزیر اعظم نریندر مودی نے جمعرات کو کانگریس کی عبوری صدر سونیا گاندھی کی کوویڈ 19 سے جلد صحت یابی کے لئے نیک خواہشات کا اظہار کیا ہے ۔ مودی نے ایک ٹویٹ میں کہا،کانگریس صدر محترمہ سونیا گاندھی جی کی کوویڈ۔19 سے جلد صحت یابی کی خواہش کرتا ہوں۔ اس سے قبل کانگریس کے ترجمان رندیپ سرجے والا نے کہا تھا کہ گاندھی کا ٹسٹ مثبت آیا ہے۔
کانگریس صدر، محترمہ سونیا گاندھی گزشتہ ہفتے سے رہنماؤں اور کارکنوں سے مل رہی ہیں، جن میں سے کچھ کووڈ پازیٹیو پائے گئے ہیں۔ کانگریس صدر کو کل شام ہلکا بخار اور کوویڈ کی علامات پیدا ہوئی تھیں۔ جانچ کرنے پر وہ کوویڈ پازیٹیو پائی گئی ہیں، انہوں نے ایک ٹویٹ میں کہا۔ سرجے والا نے بعد میں ایک ٹویٹ میں کہا کہ انہوں نے طبی مشورے کے مطابق خود کو الگ تھلگ کر لیا ہے۔ جیسا کہ کانگریس مرد اور خواتین اور خیر خواہوں کی ایک بڑی تعداد نے تشویش کا اظہار کیا ہے، ہم یہ کہنا چاہتے ہیں کہ وہ ٹھیک ہیں اور صحت یاب ہو رہی ہیں۔
ہم سب کی نیک تمناؤں کے لیے شکریہ ادا کرتے ہیں۔ انہوں نے کہا۔سونیا گاندھی کی کوویڈ انفیکشن کے لئے مثبت جانچ کی رپورٹ انفورسمنٹ ڈائریکٹوریٹ کی طرف سے نیشنل ہیرالڈ کیس میں انہیں اور راہول گاندھی کو طلب کرنے کے ایک دن بعد آئی ہے جبکہ سونیا گاندھی کو 8 جون کو ایجنسی کے سامنے پیش ہونا ہے۔یہاں اس بات کا تذکرہ بھی اہم ہے کہ بی جے پی نے اپنے حالیہ بیان میں کہاہےکہ قانون سب کےلئے یکساں ہے اور سب کے ساتھ قانون کے مطابق برتاؤ کیا جائے گا ۔بی جے پی کا یہ بیان گزشتہ روز سونیا اور راہول گاندھی کے خلاف ای ڈی کے سمن جاری ہونے اور اس پر کانگریس کارکنوں کے احتجاج کے بعد آیا ہے ۔
