حیدرآباد۔ رائے دہندوں کو منوانے والے ہر رنگ اور پارٹی کے قائدین کے علاوہ انکے پیروکاروں اور ساتھیوں کو ووٹرز کو اپنی جانب راغب کرنا انکی حفاظت کو یقینی بنانے زیادہ اہم دیکھائی دے رہا ہے جیسا کہ مختلف امیدواروں کی جانب سے کاغذات نامزدگی جمع کروانے کے لئے ان کے ذریعہ منعقدہ بڑی ریلیوں میں دیکھا گیا ہے کیونکہ ان ریلیوں میں کورونا کے اصولوں کی دھجیا اڑاد ی گئی ہیں ۔ سیاسی قائدین جن میں حکمران ٹی آر ایس پارٹی سے وابستہ افراد بھی شامل ہیں اس سبھی نے گذشتہ دو ہفتوں کے دوران کوویڈ 19 کے
معاملات میں تیزی سے اضافے کے بعد کچھ دن قبل دیئے گئے ریاستی حکومت کی کوویڈ سے متعلق ہدایت کی خلاف ورزی کی ہے ۔ ریاست بھر میں کوویڈ 19 کے معاملات میں اضافے کے پیش نظر تلنگانہ حکومت نے عوامی اجتماعات پر پابندیاں عائد کرنے کے علاوہ وائرس کے پھیلاؤ کو روکنے کے لئے ماسک پہننے ، معاشرتی دوری اور حفظان صحت کو نافذ کرنے کا فیصلہ کیا ہے۔ تاہم سیاسی قائدین سمیت ٹی آر ایس رہنماؤں نے بغیر کسی ماسک پہنے بھی کاغذات نامزدگی جمع کروانے کے دوران ندی مانوورو میں منعقدہ ایک بہت بڑی ریلی میں حصہ لیا۔ نہ صرف قائدین بلکہ یہاں تک کہ ان کے پیروکار بھی کوویڈ پروٹوکول کو مکمل طور پر نظرانداز کر رہے تھے ۔ ٹی آر ایس کے امیدوار نومولہ بھگت کے ساتھ ، وزیر زراعت پالن تلاسانی سرینواس یادو اور نلگنڈہ کے ایم ایل اے کانچارلا بھوپال ریڈی نے ماسک پہنے بغیر ریلی میں حصہ لیا۔
ایک اور وزیر جی جگدیش ریڈی نے تاہم ماسک پہنا تھا۔ ریلی کے دوران جس کی قیادت بجلی کے وزیر جی جگدیش ریڈی نے کی تھی ، ٹی آر ایس کارکنوں نے کوویڈ ہدایات پرعمل نہیں کیا۔ کارکنان جن کی تعداد ہزاروں میں تھی ،انہوں نے بھی ریلی کے دوران فاصلہ برقرار نہیں رکھا ، حالانکہ ان میں سے کچھ ماسک پہنے ہوئے تھے۔ کانگریس کے امیدوار کے جانا ریڈی نے کاغذات نامزدگی داخل کرتے وقت ماسک پہنا تھا۔ تاہم کانگریس کے کئی مقامی رہنماؤں نے جنا ریڈی کا ساتھ دیا وہ ماسک نہیں پہنے تھے ۔ گوشہ محل کے ایم ایل اے ٹی راجہ سنگھ جنہوں نے ندومانوورو میں اپنے امیدوار کے کاغذات نامزدگی داخل کرنے کے لئے مہمان خصوصی کی حیثیت سے شرکت کی ماسک پہن لیا تھا ۔ تاہم بی جے پی کے امیدوار ڈاکٹر روی کمار نائک اور دیگر نے ماسک نہیں پہنے تھے ۔
