ممبئی ۔ بالی ووڈ اداکارہ عالیہ بھٹ جن کی حالیہ فلم گنگو بائی کاٹھیاواڑی نے باکس آفس پر دھوم مچائی ہے اور اب وہ اس کامیابی کے بعد ہالی ووڈ میں اپنی اداکاری کے جوہر دیکھانے والی ہیں۔عالیہ بھٹ نیٹ فلکس کی ہارٹ آف اسٹون کی کاسٹ میں شامل ہونے والی ہیں، کیونکہ وہ گال گیڈوٹ کے مدمقابل عالمی سطح پر ڈیبیو کر رہی ہیں۔ یہ فلم اس موسم بہار میں نیٹ فلکس پر عالمی سطح پر ریلیز ہوگی اور انہیں مرکزی رول میں اس کی اداکاری کے لیے زبردست پذرائی ملی ہے ۔
یہ فلم ریچل اسٹون (گیل گیڈوٹ) کی کہانی کی پیروی کرتی ہے، جو ایک انٹیلی جنس آپریٹو ہے، وہ واحد خاتون جو اپنے طاقتور، عالمی، امن قائم کرنے والی تنظیم اور اس کے سب سے قیمتی اور خطرناک اثاثے کے نقصان کے درمیان کھڑی ہے۔ ہارٹ آف اسٹون کو ٹام ہارپر نے ڈائریکٹ کیا ہے۔ اسے گریگ روکا اور ایلیسن شروڈر نے لکھا ہے۔ اسکائی ڈانس کے ڈیوڈ ایلیسن، ڈانا گولڈ برگ، اور ڈان گرینجر، موکنگ برڈ کے بونی کرٹس اور جولی لن کے ساتھ وہ اپنی اداکاری دیکھائیں گی اور پائلٹ ویو کے گیل گیڈوٹ اور جارون ورسانو اس فلم کو پروڈیوس کر رہے ہیں۔
عالیہ بھٹ راج ماولی کی اگلی فلم میں مہش بابو کے مقابل
اپنے کیرئیر کی کامیابیوں کی بلندیوں پر سوار عالیہ بھٹ بلاشبہ بالی ووڈ کی راج کرنے والی ملکہ بن چکی ہیں۔ اپنی تازہ ترین فلم گنگوبائی کاٹھیاواڑی کی کامیابی کےبعد اب عالیہ اس وقت سلور اسکرین پر راج کر رہی ہیں اور کیسے! سنجے لیلا بھنسالی کی ہدایت کاری میں بننے والی فلم میں ان کی شاندار اداکاری کے لیے اداکارہ کو پذیرائی مل رہی ہے اور اس فلم کو ہر طرف سے سراہا جا رہا ہے۔ گنگو بائی کے علاوہ عالیہ بھٹ ایس ایس راجامولی کی شاندار فلم آر آر آر کی ریلیز کے لیے بھی تیاری کر رہی ہے جس میں رام چرن اور جونیئر این ٹی آر مرکزی کرداروں میں ہی لیکن اب لگتا ہے کہ فلمساز کے ذہن میں اداکارہ کے لیے بھی کچھ اور منصوبے ہیں۔ باہو بلی کے مشہور فلمساز راج ماولی عالیہ بھٹ کو اپنی اگلی فلم میں ساؤتھ سوپر اسٹار مہش بابو کے مقابل پیش کرنے کا منصوبہ بنارہے ہیں اور یہ فلم جنگل کی موج مستی پر مبنی ہوگی ۔
