مکہ مکرمہ۔ حرمین شریفین کے امور کی جنرل پریذیڈنسی کے صدر ڈاکٹر عبدالرحمن السدیس نے اعلان کیا ہے کہ اس سال خانہ کعبہ کو کسوہ (خانہ کعبہ کا غلاف ) سے ڈھانپنے کے لیے تمام تیاریوں کو حتمی شکل دے دی گئی ہے۔ السدیس نے کہا کہ کسوہ، کعبہ کو ڈھانپنے والا کپڑا، کنگ عبدالعزیز کمپلیکس میں کعبہ کسوہ کے لیے اعلیٰ ترین معیارات کے مطابق سلایا گیا ہے۔
السدیس نے کہا کہ ایک سال کی محنت اور باریک بینی سے تفصیل پر توجہ دینے کے بعد، مقدس غلاف اب تیار ہے ۔ السدیس نے عرفات میں حج کی مناسک کے دوران زمزم کے پانی تک حاجیوں کی رسائی کی سہولت کے لیے ایک مہم کا بھی افتتاح کیا۔ انہوں نے آپ کی زبانوں میں، ہم آپ کو خوش آمدید کہتے ہیں کے عنوان سے ایک مہم بھی شروع کی گئی ہے ، جس کا مقصد مسجدحرام میں حجاج کی خدمت کرنا ہے، اور 100 گائیڈز کی مدد سے 23 زبانوں میں چوبیس گھنٹے ان کی رہنمائی کرنا ہے۔
دریں اثنا، بحرین کے وزیر انصاف، اسلامی امور اور اوقاف کے نواف بن محمد المعودہ نے سعودی عرب کی طرف سے عازمین حج کی خدمت کے لیے کی جانے والی کوششوں کو سراہا۔ المعودہ نے یہ بیان اس سال حج کی ادائیگی کے لیے بحرین سے سعودی عرب جانے والے عازمین کے آخری گروپ کی الوداعی تقریب میں شرکت کرتے ہوئے دیا ۔انہوں نے سعودیہ کی جانب سے عازمین حج کے لئے کئی جانے والی خدمات اور انہیں فراہم کی جانی والی سہولیات کی تعریف کی ہے ۔
علاوہ ازیں خانہ کعبہ کا کسوہ 10 ذی الحجہ کو مقدس عمارت کے اعلیٰ محافظ کے حوالے کیا جائے گا، جس کا اعلان جنرل پریذیڈنسی کے صدر نے کیا۔کسوا کو عید الاضحی کے پہلے دن حوالے کیا جائے گا اور نئے اسلامی سال کے آغاز پر محرم کی پہلی تاریخ کو اس کی جگہ ایک نیا غلاف چڑھایا جائے گا۔شیخ عبدالرحمن السدیس نے کہا کہ مملکت کی قیادت ہر اس کام میں سرگرم ہے جو دو مقدس مساجد میں فراہم کی جانے والی خدمات کی سطح کو بلند کرتی ہے اور کعبہ اور اس کے کسوہ پر سب سے زیادہ توجہ دی جاتی ہے۔
