حیدرآباد ۔ فلمی شائقین کے درمیان اپنے پسندیدہ ادکار اور نمبر ون کی دوڑ ہمشہ ہی ایک دلچسپ موضوع رہی ہے اور اس وقت جنوبی فلموں کے دوبڑے اسٹار مہش بابو اور الو ارجن کے درمیان نمبر ون کون کی بحث چل پڑی ہے ۔ساؤتھ سوپر اسٹار مہیش بابو اور الو ارجن دونوں تلگو سنیما پر راج کرتے ہیں۔اکثر ان دونوں اسٹارس کے درمیان مداحوں میں نمبر ون کے بارے میں بحث ہوتی رہتی ہے۔ اب اگر آپ اعداد و شمار پر نظر ڈالیں تو آپ کو پتہ چلے گا کہ اس نسل کا بادشاہ مہیش بابو نہیں الو ارجن ہے حالانکہ دونوں کا انداز مختلف ہے لیکن کامیابی کے تناسب میں الو ارجن نے بازی مارلی ہے ۔
جنوبی سوپر اسٹار مہیش بابو نے 1999 میں فلم راج کماروڈو میں بطور مرکزی اداکار ٹالی ووڈ میں قدم رکھا جس میں انکے مقابل میں پریتی زینٹا نے کام کیا تھا ۔ جبکہ الو ارجن نے 2003 میں فلم گنگوتری سے ڈیبیو کیا۔ اس کے باوجود ان کے کیریئر گراف میں بڑا فرق ہے۔ڈیبیو کے بعد جہاں الو ارجن نے اپنی دوسری فلم آریہ بلاک بسٹر دی ، وہیں سوپر اسٹار مہیش بابو کو اپنی پہلی بلاک بسٹر فلم دینے میں تین سال لگے۔ ان کی چوتھی فلم مراری بلاک بسٹر فلم بنی۔الو ارجن نے مہیش بابو سے کم فلمیں کیں۔ اس کے باوجود مہیش بابو کے پاس 5 بلاک بسٹر فلمیں ہیں اور اداکار الو ارجن کے پاس 4 بلاک بسٹر فلمیں ہیں۔
جہاں الو ارجن نے اب تک مجموعی طور پر 3 ناکام فلمیں کی ہیں ، 8 فلموں کا نام مہیش بابو کے کھاتے میں رکھا گیا ہے۔بالی ووڈ فیور ڈاٹ کام کی ایک رپورٹ کے مطابق ، جہاں مہیش بابو کی فلموں کی کامیابی کا تناسب 70 فیصد ہے ، وہیں الو ارجن کی فلموں کا کامیابی کا تناسب 84 فیصد ہے۔ ٹالی ووڈ کے سوپر اسٹار مہیش بابو کو انسٹاگرام پر 7 ملین لوگ فالو کرتے ہیں جبکہ الو ارجن کے 13 ملین فالورز ہیں۔یہی نہیں ، 21 ملین لوگ الو ارجن کو فیس بک پر فالو کرتے ہیں ، جبکہ ٹالی ووڈ کے سوپر اسٹار مہیش بابو کو فیس بک پر صرف 15 ملین لوگ فالو کرتے ہیں۔
جبکہ ٹالی وڈ اسٹار الو ارجن اپنے کردار میں مکمل طور پر داخل ہو جاتے ہیں اور ہر فلم میں اپنے روپ میں خاص تبدیلیاں لاتے ہیں جبکہ مہیش بابو زیادہ تر ایک ہی انداز میں نظر آتے ہیں۔ جس کی وجہ سے ان کے مداحوں کواپنے سوپر اسٹار میں نیا پن نظر نہیں آتا۔اگرچہ ٹالی ووڈ کے شہزادہ مہیش بابو نے ابھی تک ایک بھی ہندی فلم میں کام نہیں کیا ، الو ارجن اپنی پہلی پان انڈیا ریلیز پشپا کے ذریعے ہندی ناظرین کو دیوانہ بنانے کے لیے تیار ہیں۔
