دبئی ۔ آئی سی سی مینز ٹی 20 ورلڈ کپ کی فاتح ٹیم کو 1.6 ملین ڈالر کی انعامی رقم دی جائے گی جبکہ رنر اپ کو 800000 ڈالر ملیں گے۔سیمی فائنلز میں شکست کھانے والی دو ٹیموں کو فی کس 400000 ڈالرس کی انعامی رقم دی جائے گی۔مجموعی طور پر ٹورنمنٹ کے لیے 5.6 ملین ڈالر کی رقم مختص کی جائے گی جس میں تمام 16 شریک ٹیمیں کا بھی حصہ ہوگا ۔
آئی سی سی ٹورنمنٹ کے سوپر12 مرحلے کے دوران ہر کامیابی پر بونس کی رقم بھی جاری رکھے گی ، جیسا کہ ٹورنمنٹ کے 2016 ایڈیشن کے دوران ہوا تھا۔ سوپر 12 مرحلے کے دوران تمام 30 میچوں کے دوران جیتنے والے 40000 ڈالرس کی رقم لے جائیں گے جو کہ مجموعی طور پر 12000000ڈالرس ہے۔سوپر12 مرحلے میں ناک آوٹ ہونے والی ہر ایک ٹیموں کو 70000 ڈالرس سے نوازا جائے گا ، جو کہ مجموعی رقم 560000 ڈالرس ہے۔آئی سی سی ورلڈ کپ کے پہلے مرحلے کی فتوحات کے دوران ٹیموں کو انعام دینے کے لیے وہی نظام موجود ہے ، جہاں انہیں 12 میچوں کے دوران 40000 ڈالر کا انعام دیا جائے گا اور یہ مجموعی طور پر 480000 ڈالرہیں ۔
پہلے مرحلے کے دوران ناک آؤٹ ہونے والی چار ٹیموں کو 160000 کے مجموعی انعامی دیا جائے گا اور پول سے ہر ایک کو 40000 ڈالر ملیں گے۔پہلے مرحلے میں شرکت کرنے والی آٹھ ٹیمیں بنگلہ دیش ، آئرلینڈ ، نمیبیا ، ہالینڈ ، عمان ، پاپوا نیو گنی ، اسکاٹ لینڈ اور سری لنکا ہیں۔ دریں اثنا افغانستان ، آسٹریلیا ، انگلینڈ ، ہندوستان ، نیوزی لینڈ ، پاکستان ، جنوبی افریقہ اور ویسٹ انڈیزکی ٹیمیں متحدہ عرب امارات اور عمان میں ہونے والے ٹورنمنٹ کے سوپر 12 مرحلے کے لیے آٹھ تصدیق شدہ ٹیمیں ہیں۔ٹورنمنٹ کے 2021 ایڈیشن کی انعامی رقم کے علاوہ آئی سی سی نے مشروبات کے وقفے کا بھی اعلان کیا جو ہر میچ کے دوران ہوگا۔ وقفے کا دورانیہ 2 منٹ 30 سیکنڈ کا ہوگا اور ہر اننگز کے دوران ہوگا۔
