بنگلورو۔ ہندوستان کرکٹ ٹیم کے چیف کوچ راہول ڈراویڈ نے اشارہ دیا ہے کہ دنیش کارتک اور ہاردک پانڈیا اس سال کے آخر میں آسٹریلیا میں ہونے والے آئی سی سی ٹی 20 ورلڈ کپ میں ملک کی مہم میں اہم کردار ادا کر سکتے ہیں ۔جیسا کہ ٹیم گزشتہ سال کے ٹورنمنٹ کی مایوسی پر قابو پانے اور 2022 کے میگا ایونٹ میں مضبوطی سے واپسی کرنے کی خواہاں ہے۔
کارتک اور پانڈیا دونوں نے جنوبی افریقہ کے خلاف ڈرا ہوئی پانچ میچوں کی ٹی 20 سیریز میں دلکش کارکردگی کا مظاہرہ کیا۔ کارتک نے راجکوٹ میں سیریز کو مساوی کرنے والی نصف سنچری اسکور کی جس نے میزبان ٹیم کو سیریز 2-2 سے برابر کرنے میں مدد کی جبکہ اتوار کو بنگلورو میں پانچواں اور آخری میچ بے نتیجہ رہا۔ڈراویڈ نے کہا اسے (کارتک) کو ایک بہت ہی خاص مہارت کے لیے منتخب کیا گیا ہے اور انھیں اس بات کی بنیاد پر منتخب کیا گیا ہے کہ وہ گزشتہ دو یا تین سال میں خاص طور پر اچھا کام کررہے ہیں۔
یہ راجکوٹ کے اس کھیل میں ہمارے لئے تقریبا بالکل ایک ساتھ آیا جب ہمیں سیریز برابر کرنے کے لئے آخری پانچ اووروں میں کارتک سے بڑی کارکردگی کی ضرورت تھی۔انہوں نے (کارتک) اور ہاردک (پانڈیا) نے ہمارے لیے خوبصورتی سے بیٹنگ کی اور یہ دونوں آخراوورس میں تیزی سے رنز بنانے والے ہیں اور ایسے کھلاڑی جو آخری پانچ یا چھ اوورز میں زیادہ سے زیادہ رنز بناسکتے ہیں اس سے کوئی بھی ٹیم فائدہ اٹھانے کی خواہاں ہوگی ۔ یہ دیکھ کر واقعی اچھا لگا کہ کارتک آئے اور وہ کیا جس کی ان سے امید کی جارہی تھی اور یہ یقینی طور پر ہمارے لیے آگے بڑھنے کے لیے بہت سے اختیارات کھولتا ہے۔ اس طرح کی اننگز (راجکوٹ میں) کا مطلب ہے کہ وہ یقینی طور پر وہ ٹی 20 ورلڈ کا بہت بڑا دعویدار ہے ۔
جب کہ 20 اوور کے شو کے آغاز میں ابھی تین ماہ سے زیادہ کا وقت باقی ہے، ہندوستان کے پاس اس سال کے ٹورنمنٹ کے لیے اپنے آخری 15 کھلاڑیوں کے اسکواڈ کے انتخاب میں چند امور کی تکمیل باقی ہے ۔ویرات کوہلی، روہت شرما، جسپریت بمراہ اور کے ایل راہول کو جنوبی افریقہ کے خلاف حال ہی میں مکمل ہونے والی ٹی 20 سیریز کے لیے آرام دیا گیا اور پانچ میچوں کی سیریز کے دوران بہت سے کھلاڑیوں کو صلاحیت دکھانے والوں کو موقع دیا گیا۔
آسٹریلیا جانے سے پہلے ہندوستان کے پاس اب بھی کم ازکم 13 ٹی 20 کھیلنا باقی ہیں، جس میں آئرلینڈ (دو)، انگلینڈ (تین)، ویسٹ انڈیز (پانچ) اور آسٹریلیا (تین) کے خلاف مقابلے باقی ہیں اور 16 اکتوبر کو ٹی 20 ورلڈ کپ ٹورنمنٹ کا آغاز ہونا ہے۔ ڈراویڈ چاہتے ہیں کہ ان کے اہم کھلاڑی ان وارم اپ میچوں کے دوران پرفارم کریں تاکہ یہ یقینی بنایا جا سکے کہ وہ انتخاب کے لیے اپنا معاملہ واضح کریں۔
