ممبئی۔ مسلسل تین ناکامیوں سے مایوس کولکتہ نائٹ رائیڈرس ہفتہ کو یہاں آئی پی ایل کے اپنے اگلے مقابلے میں جب راجستھان رائلز سے مدمقابل ہوگی تو وہ اپنی مہم کو دوبارہ کامیابی کی پٹری پر لانے کی کوشش کرے گی جبکہ راجستھان رائلز کا بھی حال کچھ مختلف نہیں ہے۔ کاغذ پر بڑے نام ، انگلینڈ کے ورلڈ کپ کے فاتح کپتان ایون مورگن کی سربراہی میں کے کے آر اب تک ایک ٹیم کی حیثیت سے اکٹھے ہونے میں ناکام رہے ہیں اور سن رائزرس حیدرآباد کے خلاف ٹورنمنٹ کو شاندار شروع کرنے کے بعد اب ٹیموں کے جدول میں چھٹے نمبر پر آگئے ہیں۔نچلے مقام پر موجود راجستھان رائلز جو سیزن میں اب تک کی سب سے زیادہ پریشان کن ٹیم رہی ہے جس کے خلاف اب کے کے آر حساب برابرکرنے کے لئے بے چین ہوگا۔ پیٹ کمینس کی بیٹسمین کی حیثیت ابھرنے کے بعد سے سی ایس کے خلاف اسے 18 رنز سے شکست ہوئی ہے۔
اس سے ان کے اسٹار بیٹسمینوں کی ناکامی کا ثبوت نہیں ملتا ، جو معمولی ہدف کا تعاقب کرتے ہوئے بھی ناکام ہوئے ہیں۔فاسٹ بولروں کی جانب سے نے بھی آخری اوورز میں رنز دینے سے ٹیم کو مسائل پیدا ہوئے ہیں۔چیپک کی سست وکٹ پر جدوجہد کرنے کے بعد کے کے آر نے وانکھیڈے میدان میں کامیابی کے راستوں میں واپس آنے کی امید کی تھی لیکن فاف ڈو پلیسیس اور رتوراج گائکواڈ نے ساری امیدوں پر پانی پھیردیا اور اپنے سابق میچ میں 3 وکٹ پر 220 کا ہمالیائی اسکور بنانے کے بعد کامیابی حاصل کرلی۔اس کے بعد نشانہ کے تعاقب میں کے کے آر کے مشہور ٹاپ5 بشمول شبھمن گل اور مورگن نے پاور پلے میں ہتھیار ڈال دئے۔اس کے بعد آندرے رسل اور دنیش کارتک سستے میں ہی پویلین لوٹ گئے جبکہ کمینز نے کچھ سنسنی خیز پاور ہٹنگ کا مظاہرہ کیا ۔اس مقابلے کے بعد کمینز نے کہا کہ اس اننگز نے ہر ایک کھلاڑی کے حوصلے بلند کردئے ہیں ۔ مجھے یقین ہے کہ اگر ہمیں ایک یا دو جیت مل جاتی ہے اور ہم اپنے راستے پر آجاتے ہیں تو نقشہ پلٹ جائے گا۔ مجھے لگتا ہے کہ ایسا احساس ہے کہ ہم بنیادی طور پر کہیں سے بھی جیت سکتے ہیں۔دوسرا مثبت رسل کی فام میں واپسی ہے۔انہوں نے 22 گیندوں 54رنز کی اننگز کھیلی ہے جس کے بعد مورگن کے لئے رسل کو بیٹنگ میں ترقی دینا کوئی مسئلہ نہیں ہوگا جبکہ کمینزنے ثابت کیا ہے وہ تیزی سے رنز بناتے ہوئے ٹیم کو درکار تیز رفتار رنز بناسکتے ہیں۔کپتان مورگن کو خود رنزکی رفتار میں واپس آنا ہوگا۔
علاوہ ازیں شبھ من گل کی فام میں واپسی ضروری ہے تاکہ ٹیم کو ایک بہتر شروعات مل سکے ۔دوسری طرف راجستھان رائلز آر سی بی کے خلاف 10 وکٹ کے ذلت آمیز شکست کے بعد میچ کےلئے میدان میں اترے گی۔ سنجو سیمسن کی ٹیم اپنے دوسرے میچ میں دہلی کیپیٹل کے خلاف ٹورنمنٹ کی واحد جیت حاصل کرنے کے بعد فتوحات کا سلسلہ برقرار رکھنے میں ناکام رہے ہیں۔سیمسن نے پنجاب کنگز کے خلاف 119 رنز کے برق رفتار اننگز کھیلی تھی ۔ ٹاپ اور مڈل آرڈر میں جوز بٹلر ، منان وہرا اور ڈیوڈ ملر کی ناکامی ٹیم کےلئے مسائل پیدا کررہی ہے۔افتتاحی ایڈیشن چمپینز کے لئے بولنگ بھی ایک بڑی پریشانی ہے کیونکہ کرس مورس اور مستفیض الرحمن رنز روکنے میں ناکام ہورہے ہیں ۔ان کے پاس جوفرا آرچر اور بین اسٹوکس کے زخمی ہونے کی وجہ سے کوئی بہتر بولر دیکھائی نہیں دے رہا ہے۔
