نارتھ کیرولینا ۔ زندگی اور موت انسان کے اختیار میں نہیں لیکن بعض اوقات زندگی کے آخری ایام میں چند ایسی غیرمتوقع خوشیاں آتی ہیں جو موت کی شاہراہ پرمایوس چلنے والے شخص کی زندگی میں نئی لہر دوڑا دیتی ہیں۔ایسا ہی ایک واقعہ موت سے جنگ لڑتے کینسر کے مریض رونی فوسٹر کے ساتھ پیش آیا جہاں اس امریکی شہری نے چند ڈالر کا لاٹری کا ٹکٹ خریدا جس نے اسے کروڑوں روپے کا مالک بنا دیا۔
امریکی ریاست نارتھ کیرولینا کے رہائشی رونی فوسٹر پیٹ کے کینسر کا شکار تھے، ان کا علاج کامیابی سے چل رہا ہے اور اب انہیں بس اپنی آخری کیمو تھراپی کروانی ہے۔زیادہ سے زیادہ رقم کمانے کے خواہشمند فوسٹر لاٹری کے ٹکٹ خریدنے کے عادی ہیں اور انہوں نے اس مرتبہ بھی ایک ڈالر کا ٹکٹ خریدا جس میں سے 5ڈالر کا انعام نکلا۔
بعد میں انہوں نے اس پانچ ڈالر سے دو مزید ٹکٹ خریدے جس میں سے پہلی لاٹری تو کسی کام نہ آئی لیکن دوسری لاٹری کو دیکھ کر ان کے ہوش اڑ گئے کیونکہ ان کا 2لاکھ امریکی ڈالرز کا انعام نکل آیا تھا۔ انہوں نے کہا کہ پہلی لاٹری میں کچھ نہ نکلا لیکن دوسری لاٹری میں صفر دیکھ کر میرے ہوش اڑ گئے اور میں حیران ہو گیا۔ٹیکس کی کٹوتی کے بعد فوسٹر کو 1لاکھ 41ہزار ڈالر کی رقم ملی اور انہوں نے کہا کہ وہ اس رقم کا کچھ حصہ اپنے علاج کے لیے استعمال کریں گے۔
