دبئی۔ آئی سی سی ٹی 20 ورلڈ کپ 2022 کے افتتاحی سوپر 12 میچ میں ہندوستان کا مقابلہ پاکستان سے ہوگا اور یہ بلاک بسٹر میچ 23 اکتوبر کو میلبورن کرکٹ گراؤنڈ (ایم سی جی) میں کھیلا جائے گا۔ انٹرنیشنل کرکٹ کونسل (آئی سی سی) نے جمعہ کو مردوں کے ٹی 20 ورلڈ کپ 2022 کی تفصیلات کا اعلان کیا، جس میں حریف نیوزی لینڈ اکتوبر کو سڈنی کرکٹ گراؤنڈ (ایس سی جی) میں سوپر 12 کے افتتاحی میچ میں آسٹریلیا سے مقابلہ22 اکٹوبر کو کرے گا۔یہ ٹورنمنٹ 18 اکتوبر سے 13 نومبر تک چلے گا، جس میں 16 ٹیمیں حصہ لیں گی اور آسٹریلیا بھر میں سات شہر میچوں کی میزبانی کریں گے۔
ان 16 ممالک میں سے 12 کی پہلے ہی تصدیق ہو چکی ہے، آخری چار کا تعین گلوبل کوالیفائنگ کے ذریعے کیا جائے گا۔ سوپر 12 میں انگلینڈ، نیوزی لینڈ، آسٹریلیا اور افغانستان کو گروپ 1 میں ایک ساتھ رکھا گیا ہے، گروپ 2 میں ہندوستان ، پاکستان، جنوبی افریقہ اور بنگلہ دیش شامل ہیں۔سوپر 12 کا آغاز ڈرامائی انداز میں سڈنی میں متحدہ عرب امارات میں ہونے والے 2021 کےٹی20 ورلڈ کپ کے دو فائنلسٹ ٹیموں کے درمیان ہوگا، جس میں نیوزی لینڈ کا دفاعی چمپئن آسٹریلیا سے مقابلہ ہوگا۔ ایک دن بعد ہندوستان اور پاکستان مقابلہ کریں گے جو ٹورنمنٹ کے سب سے زیادہ متوقع میچوں میں سے ایک ہوگا۔ سوپر 12 مرحلہ پندرہ دن تک چلے گا۔ پاکستان بمقابلہ ہندوستان اور آسٹریلیا بمقابلہ نیوزی لینڈ کے میچوں کے علاوہ دیگر ممکنہ اہم گیمز نمایاں ہیں۔ انگلینڈ اور نیوزی لینڈ کے درمیان 2021 کے سیمی فائنل کا اعادہ ہوگا جب دونوں ٹیمیں یکم نومبر کو برسبین کے گابا میں آمنے سامنے ہوں گی جس میں دونوں ٹیموں کا آخری گروپ گیم ہے۔ اس کے علاوہ سوپر 12 مرحلے کے آخری دوپہر کو ایڈیلیڈ میں پاکستان کا بنگلہ دیش سے مقابلہ ہونا ہے۔
سوپر 12 کے لیے کوالیفائی کرنے والی آخری چارٹیموں کا تعین کرنے کے لیے ٹورنمنٹ کا آغاز چھ روزہ گروپ مرحلے پہلے راؤنڈ سے ہوگا۔سری لنکا اور نمیبیا گروپ اے میں مزید دو کوالیفائرز کے ساتھ شامل ہوں گے، گروپ بی میں گلوبل کوالیفائر کی دو اضافی ٹیموں کے ساتھ ویسٹ انڈیز اور اسکاٹ لینڈ بھی شامل ہوں گے۔ پہلا راؤنڈ روزانہ ڈبل ہیڈرز (دومقابلے ) پرمشتمل ہو گا،جو متبادل دنوں میں ہوبارٹ کے بیلریو اوول اور جیلونگ کے کارڈینیا پارک میں منعقد ہوں گے۔ گروپ اے کے تمام میچز بعد والے مقام پر اور گروپ بی کے تمام میچ تسمانیہ شہر میں ہوں گے۔ تمام میچز 16 سے 21 اکتوبر کے درمیان ہوں گے۔ گروپ اے کی فاتح اور گروپ بی کی رنر اپ سوپر 12 مرحلے میں گروپ 1 میں شامل ہو جائے گی۔ گروپ بی کی فاتح اور گروپ اے میں دوسرے نمبر پر آنے والی ٹیم گروپ 2 میں جائے گی۔ 9 نومبر کو سڈنی پہلے سیمی فائنل کی میزبانی کرے گا، دوسرا سیمی فائنل اگلے دن ایڈیلیڈ اوول میں ہوگا۔ فائنل میلبورن کرکٹ گراؤنڈ میں 100,024 ہجوم کی گنجائش کے سامنے کھیلا جانا ہے۔ ایونٹ سات مقامات پر منعقد کیا جائے گا۔
