ممبئی: ایک 43 سالہ شخص تقریبا آٹھ ماہ تک مہاراشٹر کی نئی ممبئی کے ایک ہوٹل میں قیام کیا اور 25 لاکھ روپے کے واجبات کی ادائیگی کے بغیر بھاگ گیا۔ اس شخص کی شناخت مرلی کامت کے طور پر ہوئی ہے جو کہ اندھیری کا رہنے والا ہے۔ اس نے آٹھ ماہ کی مدت کے لیے کھرغر کے علاقے میں ہوٹل تھری اسٹار کے دو کمرے حاصل کئے ۔ اس نے اپنے بیٹے کے ساتھ ہوٹل میں چیک ان کیا تھا ، جس کی عمر 12 سال ہے ۔ وہ 25 لاکھ روپے کا بل دینے کے بعد بھاگ گیا۔
ہوٹل انتظامیہ نے مرلی کامت کے خلاف پولیس میں شکایت درج کرائی۔ اطلاعات کے مطابق کامت پہلی بار گزشتہ سال 23 نومبر کو ہوٹل آیا تھا ۔ اس نے عملے کو آگاہ کیا کہ اس نے فلم انڈسٹری میں کام کیا ہے اور دو سوپر ڈیلکس کمرے بک کیے ہیں۔ ایک کمرہ ان کے قیام کے لیے تھا جبکہ دوسرا ان کی کام سے متعلق ملاقاتوں کے لیے تھا۔ اس نے یقین دہانی کروائی تھی کہ وہ ایک ماہ کے بعد ڈپازٹ کی ادائیگی کر دے گا۔ رپورٹ کے مطابق اس نے اپنا پاسپورٹ بطور ضمانت جمع کروایا۔ اس سال مئی تک کامت نے ان کی رقم ادا نہیں کی۔ ہوٹل کے عملے نے پایا کہ کامت اپنے بیٹے کے ساتھ باتھ روم کی کھڑکی سے بھاگ گیا ہے۔ اس نے اپنا لیپ ٹاپ اور موبائل فون کمرے میں چھوڑ دیا۔ ہوٹل نے اس معاملے کے سلسلے میں پولیس میں شکایت درج کروائی۔
پب جی کی چکر میں 10 لاکھ کا نقصان، نابالغ لڑکا گھر سے فرار
ایک اور واقعے میں ایک 16 سالہ لڑکا ممبئی میں اپنے گھر سے بھاگ گیا ۔اس کے والد نے اسے ڈانٹ دیا کہ مبینہ طور پر اپنی ماں کے بینک اکاؤنٹ سے پب جی کھیلنے کے لیے 10 لاکھ روپے خرچ کیے۔ نوعمر اپنے گھر سے نکلنے سے پہلے ایک الوداع نوٹ لکھا ، جس میں اس نے کہاکبھی گھر واپس نہیں آئے گا۔ اس کے والدین نے مہاراشٹر کے دارالحکومت کے ایم آئی ڈی سی پولیس ا سٹیشن میں شکایت درج کرواتے ہوئے کہا کہ ان کا نابالغ بیٹا لاپتہ ہو گیا ہے۔ تکنیکی نگرانی کا استعمال کرتے ہوئے پولیس نے اسے نوعمر کو ممبئی کے اندھیری (مشرقی) علاقے کے مہاکلی علاقے میں تلاش کیا۔
